الشيخ السمين من فرط تناول الفتة حينا و الكبسة احيانا اخرى صاحب الانفاس المتقطعة كاللهاث من ضغط كرشه الضخم على رئئتيه يجلس فى باحة منزلة الفخم و اجهزة التكييف تئن لمحاولتها الدؤوب تخفيف حرارة جهنمية يمسك فى يده – اطال الله عمره – سبحة ضخمة فخمة يستند بمرفقه الى وسادة ناعمة يغطس فيها ذراعه المربرب و لحيته السوداء تنام كالعصفور الوديع على صدره وحبات عرق خفيف تطفو على جبهته العرق هنا ليس من حرارة الجو فالتكييف يعمل كما ينبغى الامر فقط ان الخادمة الاسيوية مرت بجسدها النحيل من امام الشيخ الكبير وانحنت لترفع بواقي الطعام بعد ان تم علف الزبون الخادمة صغيرة الحجم دقيقة الجسم سلبها الفقر اى علامات تسيل اللعاب جسم معضم بلا اى منحنيات او تضاريس الا ان الشيخ يرفع صوته بتمتمة و كانه يسبح وعينه هتطلع يتململ يقوم كخرتيت يجذب الفتاة الاسيوية و يفرغ شهوته و تستمر بعدها كومة العظم الاسيوية فى رفع مخلفات الثور البشرى
الفتاة الاسيوية تنفق على قطيع من البشر فى احدى الدول البعيدة الفقيرة فى شرق القارة التى انفجر فى غربها سائل اسود من الارض فتضخمت كروش عربانها و لا تستطيع رفض معاشرة البهيم العربي لانها ستحصل بكل تأكيد على استمارة 6 لتنضم الى القطيع الاسيوى ذو العيون المميزة التى لاتلمع بسبب الفقر
الجارية الموظفة العاملة الخادمة الامة تتقاضي مبلغ نظير مجهودها الجسدى و مبلغ اخر حوافز و اوفر تايم نظير مجهودها الجسدى فى نوبات الليل الجارية الفقيرة تعمل بعقد رسمي مذيل بعدة اختام تصبغه بصفة شرعية وانسانية
نترك الخليج و نذهب الى المحيط حيث موريتانيا اكبر نسبة عبودية فى العالم.. ايه بتقول ايه حضرتك؟ ايوه زي ما سمعت اكبر نسبة عبودية يعنى فقيرات السنغال و الكونغو و القبائل المجاورة يقفوا صف من غير لبس و الشيخ يقلب فى البضاعة و يشيل عالبركة نطلع فوق شوية المغرب معدلات فقر رهيبة سياحة جنسية اطلع على اوروبا بص كده على المهاجرين غير الشرعيين و المهاجرات غير الشرعيات طبعا منصحكش تروح امريكا لانك هتصطدم بكلام من عينة العبودية المستترة والراسمالية و كلام كبير كده فلف و ارجع تانى خد بصه ع السودان و القبائل اللى بتطحن فى بعضها عشان ايه مش فاهم و كمية الانتهاكات الجسدية و الجنسية الرهيبة فى بلد لم تعرف بعد مهوم واضح للاندر ورور وطبعا مصر المستوى الاقتصادى التعبان و زواج القاصرات و شرحه في اليمن و طبعا اللاجئات السوريات و النزعة الدينية اللى ضربت فى نفوخ البعض لستر امرأه مسلمة على شرط ان تكون هذه المسلمة بيضا و حلوة و بترطن حاجات وحشتنا اوى يا جدع مشفنهاش من ايام البوسنة
تاخد كلو سلو مع الكبسة و لا عامل ريجيم؟
طيب تحبي الليجمز اسود و لا رمادى يا مزمازيل؟
خد بيبسي بيهضم حلو.. يا ولد الكبسة يا ولد
اه متنساش و انت جى من العمرة تجبلنا ايشارب متصنع فى البلد اللى جايه منها البنت اللى طويل العمر هينام معهاها بعد ما ياكل الكبسة عشان الحجاب فرض.
